دیدار سفیر کبیر افغانستان با وزیر خارجه تاجیکستان
meeting-with-minister-aslov-sirodjidin-sm.jpg
سفیر کبیر و نمایندۀ فوق‌العاده جمهوری اسلامی افغانستان در جمهوری تاجیکستان جناب محمد گل زلمی یونسی به تاریخ 30/9/1395 با جلالتمآب سراج‌الدین اصل‌اوف وزیر امور خارجه جمهوری تاجیکستان دیدار نموده و کاپی اعتمادنامه خود را برای شان تقدیم نمودند. 
در این دیدار دو جانب روی طیف وسیعی از مسایل دوجانبه به تفصیل بحث و تبادل نظر نموده و بر گسترش و توسعه بیشتر روابط بین دو کشور تأکید نمودند. سفیر کبیر جمهوری اسلامی افغانستان همچنان در جریان ملاقات دعوتنامه جلالتمآب محترم دکتور محمد اشرف غنی رئیس جمهوری اسلامی افغانستان را عنوانی جلالتمآب امام علی رحمان رئیس جمهوری تاجیکستان به منظور دیدار از افغانستان به وزیر امور خارجه تاجیکستان تقدیم کردند. 
قرار است مراسم تقدیم اعتمادنامه جناب محمد گل زلمی یونسی سفیر کبیر و نمایندۀ فوق‌العاده جمهوری اسلامی افغانستان در جمهوری تاجیکستان به جلالتمآب امام علی رحمان رئیس جمهوری تاجیکستان به زودی برگزار شود.
 
 meeting-with-minister-aslov-sirodjidin.jpg