دیدار جلالتمآب رئیس جمهور کشور از تاجیکستان
president-visits-tajikistan-6-july-2017-0.jpg
جلالتمآب دکتور محمد اشرف غنی رئیس‌ جمهوری اسلامی افغانستان، صبح روز 15 سرطان 1396 در رأس یک هیات بلند ‌رتبۀ دولتی به منظور اشتراک در دومین نشست سران کشورهای مشمول پروژه «کاسا یک هزار» عازم دوشنبه پایتخت تاجکستان گردید.
رئیس جمهورغنی هنگام عزیمت به‌تاجیکستان در میدان هوایی بین المللی دوشنبه، مورد استقبال دولت علی سعید معاون اول صدراعظم، نظام الدین زاهدی معاون اول وزارت امور خارجه، زبید زاده معاون شاروال دوشنبه و خسرو غایب‌اوف رئیس اداره آسیا- افریقای وزارت خارجه تاجیکستان و همچنان سفیر کبیر و شماری از اعضای سفارت افغانستان در دوشنبه قرار گرفت.
سپس رئیس‌جمهور و هیأت همراه‌شان رهسپار درۀ ورزاب، محل برگزاری نشست کشورهای پروژه کاسا یک هزار گردید و در آنجا یکجا با صدراعظم پاکستان و صدراعظم قرغزستان مورد استقبال محترم امام علی رحمان رئیس‌جمهور تاجیکستان قرار گرفت. 
جلالتمآب رئیس جمهور در جریان این سفر یک روزه برعلاوۀ اشتراک و سخنرانی در نشست چهارجانبۀ سران کشورهای شامل پروژه کاسا-1000، با محترم امام علی رحمان رئیس جمهور تاجکستان روی گسترش بیشتر روابط میان دو کشور، دیدار و گفتگو نمودند.
همچنان رئیس جمهور در نشست سه جانبۀ سران کشورهای افغانستان، تاجکستان و پاکستان اشتراک نموده و از نمایشگاه محصولات زراعتی و مواد غذایی جمهوری تاجکستان دیدن به عمل آوردند.
در این سفر جلالتمآب رئیس جمهور کشور همچنان صدراعظم قرغزستان محترم ساآرانبای ژیین‌بیک‌اوف را برای انجام ملاقات دوجانبه به حضور پذیرفتند. 
رئیس‌جمهور کشور را در این سفر، اکلیل حکیمی وزیر مالیه، عبدالستار مراد وزیر اقتصاد، داکتر محمدهمایون قیومی مشاور ارشد رئیس جمهور در امور زیربناها، شاه‌زمان میوندی مشاور ارشد رئیس جمهور در امور روابط عامه و ارتباطات استراتیژیک همراهی می نمودند. 
president-visits-tajikistan-6-july-2017.jpg
 president-visits-tajikistan-6-july-2017-.jpg
president-visits-tajikistan-6-july-2017-0.jpg 
president-visits-tajikistan-6-july-2017-01.jpg 
president-visits-tajikistan-6-july-2017-2.jpg 
 
pres.jpg 
pres1.jpg 
president-visits-tajikistan-6-july-2017-3.jpg 
president-visits-tajikistan-6-july-2017-4.jpg 
president-visits-tajikistan-6-july-2017-1.jpg 
president-visits-tajikistan-6-july-2017-6.jpg 
35584502282_fd9b8e6d67_o.jpg 
president-visits-tajikistan-6-july-2017-5.jpg 
19667476_1360917507317821_9159070911935608440_o.jpg